Қазақстан наурызда Германия мұнай өңдеу зауыттарына 100 мың тонна мұнай жеткізгісі келеді

18.02.2023 11:34

852

Бұл көлем негізінен Қарашығанақ кен орнындағы "ҚазМұнайГаз" мұнайының үлесі есебінен қамтамасыз етіледі.

ERNUR.KZ. Наурызда Қазақстан "Дружба" құбыры арқылы Германияның Шведт қаласындағы мұнай өңдеу зауытына 100 мың тонна мұнай жеткізгісі келеді, деп жазады Sputnik.kz.

"Қазақстан наурыз айында барлық мүдделі тараппен коммерциялық және құқықтық шарттарды келіскеннен кейін PCK Schwedt мұнай өңдеу зауыты үшін "Дружба" құбыры арқылы Германияға 100 000 тонна мұнай жеткізеді", - деп жазады агенттік.

Бұл көлем негізінен Қарашығанақ кен орнындағы "ҚазМұнайГаз" мұнайының үлесі есебінен қамтамасыз етіледі.

Германия үкіметі 2022 жылдың қыркүйегінде Шведт қаласындағы мұнай өңдеу зауытына қосымша көлемдер беру және Ресейден келетін мұнайды ауыстыру үшін "Дружба" құбыры арқылы тасымалдау арқылы мұнай сатып алу туралы Қазақстанмен келіссөз жүргізетінін мәлімдеді. Қазір Қазақстан "Дружба" арқылы транзитті пайдаланып, Усть-Луга порты бағытында жылына шамамен 10 миллион тонна мұнай жөнелтеді.

Өткен жылдың соңында "Транснефть" "ҚазТрансОйл" компаниясынан "Дружба" мұнай құбырының қосымша қуат қорына өтінім алғанын хабарлады. 2023 жылға Германияға транзиттік 1,2 миллион тонна көлемінде мұнай жеткізу жоспарланған.

Бұл ақпаратты Қазақстан тарапы да растады. Оның 300 мың тоннасы бірінші тоқсанда, 20 мың тоннасы қаңтарда ғана өткізіледі деп жоспарланып отыр.