Қазақстанда 3,3 мыңнан астам жалған техникалық байқаудың күші жойылады

11.10.2023 13:52

788

Қазіргі таңда "Техникалық байқау" бірыңғай ақпараттық жүйесіне 820 техникалық байқау операторы қосылған.

ERNUR.KZ. Қазақстанда техникалық байқау ережелерін бұзу фактілері анықталған 3,3 мыңнан астам диагностикалық карталар жойылады, деп жазады inbusiness.kz.

"Жұмыс комиссиясының қатысуымен жүргізілген диагностикалық карталардың мониторингі (2023 жылдың 4 шілдесі мен 3 қазаны аралығында) қорытындысы бойынша 3 324 диагностикалық картада көлік құралдарын жалған техникалық байқаудан өткізу фотосуреттерді өңдеу белгілері бар бұзушылықтар анықталды", - делінген баспасөз хабарламасында.

ҰАТ мәліметінше, көлік құралдарын міндетті техникалық тексеруді ұйымдастыру және өткізу қағидаларына енгізілген өзгерістер мен толықтыруларға сәйкес жақын күндері бұл карталар жойылады деп күтілуде.

Жойылғаннан кейін цифрлық құжат eGov мобильді қосымшасында да көрсетілмейді, ал тәртіп бұзушыларға 1414 нөмірінен қайтадан техникалық байқаудан өту қажеттілігі туралы SMS хабарламалар жіберіледі.

"ҰАТ" АҚ міндетті техникалық байқаудың бірыңғай ақпараттық жүйесінің ("Техникалық инспекция" БААЖ) операторы болып белгіленді. Қазіргі таңда "Техникалық байқау" бірыңғай ақпараттық жүйесіне 820 техникалық байқау операторы қосылған.