Қазақстанда енді жол ережесін бұзған жүргізушілерді дрон арқылы бақылайды

Елімізде жол ережесін бұзғандарды бақылайтын ұшқышсыз ұшу аппараттары Маңғыстау, Қостанай және Шығыс Қазақстан облыстарында қолданылып жатыр.

Маңғыстау облысының тәртіп сақшылары трассаның бойына шығып, дрон ұшырып жатыр. Аталған құрылғы жылдамдықты асырған, қарсы бетке шыққан, екі жолақты басып өткен және тағы басқа ережені бұзған көліктерді тіркейді. Сосын полицейлер жүргізушілерді тоқтатып, жазаға тартады. Жаңашылдықты өзге өңірлерге де енгізу жоспарланған.

Еске салсақ, Қазақстанда жүргізушілерге салынатын айыппұл үшін 50% жеңілдікті алып тастау ұсынылған еді.