Қазақстанға темекі өнімдері тиелген вагонды кіргізбек болғандар әшкере болды

ERNUR.KZ. ҚМА Жамбыл облысы бойынша департаменті құжаты жоқ құны 808 миллион теңге болатын темекі өнімдерін Қырғыз Республикасынан әкелу әрекетінің жолын кесті, - деп жазады Tengrinews.kz.

Тергеу барысында акциздік бюджетке төленетін сома анықталған. Мемлекеттік кірістер органдарының бағалауы бойынша бұл 320 миллион теңгеден асады.

"Қазіргі уақытта бірқатар жедел-іздестіру шаралары, соның ішінде тиiстi сараптамалар жүргiзiлуде, олардың нәтижесiнде қылмыстық iс бойынша процестік шешiм қабылданады. ҚР ҚПК 201-бабына сәйкес өзге мәліметтер жарияланбайды", - делінген хабарламада.

ҚР Конституциясының 77-бабының 3-тармағының 1-тармақшасына және ҚР Қылмыстық-процестік кодексінің 19-бабының 1-бөлігіне сәйкес, қылмыстық құқық бұзушылық жасаудағы кінәсі соттың заңды күшіне енген үкімімен белгіленгенге дейін әркім кінәсіз деп есептеледі.