Қазақстанның үш облысында тұқым қоймаларын су басты

«Батыс Қазақстан облысы әкімдігінің деректеріне сәйкес, биылғы су тасқыны салдарынан облыста жалпы көлемі 4 мың гектарға жуық күздік егіс алқаптарын, сондай-ақ Бәйтерек ауданы Махамбет ауылдық округінде 1 гектар жылыжай кешенін су басты», - делінген министрліктің жауабында.

Ведомство мәліметіне қарағанда, өңір әкімдіктері Ақтөбе, Қостанай және Солтүстік Қазақстан облыстарында 170 тоннаға жуық (Ақтөбе облысы – 80 тонна, Қостанай облысы – 40 тонна, Солтүстік Қазақстан облысы – 50 тонна) тұқым су астында қалғанын хабарлады.

«Жалпы алғанда, облыс әкімдіктерінің жедел мәліметтері бойынша егін алқаптарын су басу қаупінің басқа деректері тіркелген жоқ. Егін егу науқаны басталған кезде ылғалдылығы тым жоғары алқаптар болса, онда тыңайған алқаптарға дән себу арқылы егіс алқабы кеңейтіледі», - делінген жауапта.