Жас жігіт екі айдың ішінде жол жүру ережесін 96 рет бұзған
ERNUR.KZ. Қостанай қаласында көлік жүргізушісі 2 миллион теңгенің айыппұлын төлеуге міндеттелді, деп жазады Sputnik Қазақстан.
Ресми мәліметке сәйкес, тәртіп сақшылары патрульдеу кезінде "Ваз 2109" маркалы көлікті тоқтатқан. Ал электронды жүйені тексеріп қарағанда көлік жүргізушісінің 8 сәуірден бастап жол жүру ережесін 96 рет бұзғанын анықтады. Полицейлер бірден сол жерде әкімшілік хаттама толтырып, жас жігітке 2 миллион теңгенің айыппұлын салды.
"Оның көлік жүргізу куәлігі де болмай шықты. Сақтандыру полисі де болмады", - дейді полицейлер.
Жас жүргізушіге қатысты әкімшілік құқық бұзушылық туралы кодекстің екі бабы бойынша хаттама рәсімделді. Көлік әкімдіктің арнайы тұрағына қойылды.
Жол жүру ережесін бұзу жағынан рекорд жасаған тағы бір жүргізуші Рудный қаласында анықталды. Ол 10 сәуірден бері 37 рет жол ережесін бұзған. Айыппұлдың көлемі 740 мың теңгені құрады.
Айта кетейік, тәртіп бұзушылардың бәрін "Автоураган" кешені арқылы анықталды.
![](/assets/thumbnails/32/32f7127a597cb8cf0f33659091d8e767.jpg ""Кинодағы актерден қызғанып жүр" - келіншек күйеуінің түсініксіз қылығын айтты")
![](/assets/thumbnails/9e/9ef24a1ed3ef35d6eb3d88d8acc718f7.jpeg ""Күйеуіммен полицияға ұсталып, қамалып отырғанда танысқанмын"")
