"ҚТЖ-жүк тасымалына" қатысты тергеу жүріп жатыр

ERNUR.KZ. "ҚТЖ-жүк тасымалы" ЖШС монополиялық жағдайын теріс пайдаланды деген дерек бойынша тергеліп жатыр, деп жазады Tengrinews.kz.

Басқарма ҚТЖ еншілес кәсіпорны "ҚТЖ-жүк тасымалы" АҚ Қазақстанның теміржол жүк тасымалы нарығында негізгі үлеске (95 пайыздан астам) ие екенін атап өтті.

"2004 жылдан бастап жүк тасымалдау қызметі бәсекелестік ортаға берілді. Алайда бұл нарықта бәсекелестік әлі дамымаған. Жүктерді тасымалдауды жүзеге асыруға лицензия талап етіледі, бұл ретте оның болуы теміржол инфрақұрылымына қолжетімділікті қамтамасыз етпейді (48 лицензия берілді). Пилоттық режимде белгілі маршруттарда екі жеке тасымалдаушы ("ТТТ Сервис" ЖШС және DarRаil ЖШС) жұмыс істейді, олардың үлесі 5 пайыздан аз", - делінген хабарламада.

Сонымен қатар, монополияға қарсы ведомство теміржол жүк тасымалының бәсекелі нарықтарына мемлекеттік қатысуы бар кәсіпорындарды іске асыруды ұсынды.

"Мысалы," Кедентранссервис", КТС Express," Қазтеміртранс" және басқалары ҚТЖ-ның еншілес компаниялары саналады. Бұл ретте "ҚТЖ-Жүк тасымалдары" бәсекелестік нарықта өз компанияларына жеңілдіктер береді, бұл бәсекелестікті шектеуге алып келеді. "ҚТЖ-жүк тасымалы" ЖШС қатысты тең келісімдерге түрлі шарттарды қолдану бөлігінде монополиялық жағдайды теріс пайдалану белгілері бойынша тергеу жүргізіліп жатыр", - делінген хабарламада.

Агенттік жүк тасымалдауға лицензия беруге қойылатын біліктілік талаптарын қайта қарауды ұсынады:

• тасымалдаушыға жаңа локомотивтер саны бойынша нақты талаптар белгілеу;
• жүктердің барлық түрлерін тасымалдау жөніндегі міндеттер және рентабельділігі төмен жүктерді тасымалдаудан бас тартқан кезде лицензияны қайтарып алу мүмкіндігі;
• жаңа жүк ағыны тартылған жағдайда транзиттік бағытта жүктерді тасымалдау.

"Локомотивтерді, вагондарды жаңартуға, МЖСҚ өткізу қабілеті мен өңдеу қабілетін арттыруға, сондай-ақ халықаралық стандарттарға сәйкес келетін пойыздар қозғалысының жылдамдығын арттыруға бағытталған саланы дамытудың ұзақ мерзімді бағдарламасын қабылдау ұсынылады", - дейді ведомство.