Қылмыстық топ мүшелері ұзақ уақыт бойы жалған шот-фактура жазумен айналысқан, ал жұмыстар орындалмаған.
ERNUR.KZ. Қызылорда облысында бюджетке 776 миллион теңге шығын келтірген ұйымдасқан қылмыстық топ мүшелері ұсталды, деп жазады Sputnik Қазақстан.
Қызылорда облысының экономикалық тергеу департаменті қылмыстық топты "СТОП ОБНАЛ" жедел-іздестіру шаралары кезінде ұстады.
Топ мүшелері жұмыстарды орындамай, тауарларды тиеп-жөнелтпей жалған шот-фактуралар жазумен айналысқан.
"Алдын ала есеп бойынша бюджетке келтірілген залал мөлшері 776 миллион теңгені құрап отыр", - делінген хабарламада.
Қылмыстық топтың басшысы мен оның мүшелеріне қатысты Қылмыстық кодекстің 262-бабы 1,2- тармағы бойынша (қылмыстық ұйымды, ұйымдасқан топты құру, оны басқару және оның қызметіне қатысу) сотқа дейінгі тергеу басталды.
Бұл бап бойынша мүлкi тәркiленiп, жетi жылдан он екi жылға дейiн бас бостандығынан айыру жазасы қарастырылған.
![](/assets/thumbnails/32/32f7127a597cb8cf0f33659091d8e767.jpg ""Кинодағы актерден қызғанып жүр" - келіншек күйеуінің түсініксіз қылығын айтты")
![](/assets/thumbnails/9e/9ef24a1ed3ef35d6eb3d88d8acc718f7.jpeg ""Күйеуіммен полицияға ұсталып, қамалып отырғанда танысқанмын"")
