Экс-президенттің есімі болашақта авторлар тізімінен алына ма деп сұрады.
ERNUR.KZ. Мәжіліс спикері Ерлан Қошанов экс-президент Нұрсұлтан Назарбаевтың есімін мемлекеттік гимн авторларының тізімінен алып тастауға бола ма деген сұраққа жауап берді, деп жазады stan.kz.
БАҚ өкілі Қырғызстанда мемлекеттің тудың өзгергенін мысалға алып, Қошановқа Қазақстанда экс-президент Назарбаевтың есімін әнұран авторларынан алып тастау мәселесі жиі көтерілетінін айтты. Экс-президенттің есімі болашақта авторлар тізімінен алына ма деп сұрады.
“Бұл енді дәл қазіргі күні күн тәртібінде тұрған мәселе емес”, – деді Қошанов.
Сондай-ақ журналист авторлыққа байланысы заң қабылданғалы жатқанын еске салып, сол уақытта бұл мәселе ескеріле ме деп сауалын нақтылады.
"Ол әлі бізге түскен жоқ. Сондықтан ол туралы ешқандай ақпарат айта алмаймын”, – деді ол.
Журналистің Назарбаев әнұран авторы болуға лайық па деген сұрағына мәжіліс төрағасы қысқа жауап қайырды.
“Енді кезінде сондай шешім қабылданды ғой”, – деді Қошанов мәжіліс кулуарында берген сұхбатында.
![](/assets/thumbnails/b1/b1ffaa7012121d78c3aaed67d05992e2.jpg ""Отбасылы еркектің уәдесіне сеніп жүріп, жастық шағым өтіп кетті"")
![](/assets/thumbnails/32/32f7127a597cb8cf0f33659091d8e767.jpg ""Кинодағы актерден қызғанып жүр" - келіншек күйеуінің түсініксіз қылығын айтты")
