Үшеуі де бір отбасының балалары.
ERNUR.KZ. Нұр-Сұлтанда 9 айлық, 6 және 8 жастағы бір отбасының үш баласы KFC-ге келгеннен кейін уланып қалды деп жазады, Stan.kz.
"Ағымдағы жылдың сәуір айында жұқпалы аурулар ауруханасына ішек инфекциясы бар 9 айлық, 6 және 8 жастағы бір отбасының үш баласы жіберілді. Зардап шегушілер KFC (тауық қанаттары, картоп фриі) өнімін жеген соң уланғандарын айтады. Тексеру жүргізіліп, заңбұзушылықтар анықталды. Дайындалған жартылай фабрикаттар - картоп фриі мен "тауық өнімдері" санитарлық талаптарға сай сақталмаған. Олар алдын ала дайындалған күйінде тоңазытқышта сақталған», - деп хабарлайды Нұр-Сұлтан қаласының денсаулық сақтау басқармасы.
KFC әкімшілігі барлық бұзушылықтарды жойып, 2,3 миллион теңге көлемінде айыппұл төледі. Қазір жұмысын жалғастыруда.
Ведомствоның мәліметінше, 2018 жылы елорда тұрғындары арасында 1230 жедел ішек инфекциясы тіркелді, оның 734-і 14 жасқа дейінгі балаларда кездесті.
