Зардап шеккендер жоқ.
Видеодан алынған скрин
ERNUR.KZ. Өскемен қаласындағы конденсатор зауытында өрт шықты. ШҚО Төтенше жағдайлар департаментіне Малдыбаев көшесіндегі конденсатор зауытының аумағында өрт шыққаны туралы хабар түскен, деп жазады inform.kz.
— Өрт сөндіру бөлімшелерінің қызметкерлері дереу тілсіз жауды ауыздықтау жұмыстарына кірісті. Жедел әрі үйлесімді әрекеттердің арқасында қызыл жалын толықтай өшірілді. Өрттің жалпы аумағы 720 шаршы метрді құрады, — деп хабарлады ведомство өкілдері.
Абырой болғанда, зардап шеккен ешкім жоқ. Өрттің шығу себебі анықталып жатыр.
