Президенттің сынынан кейін ҚДБ басшысы қызметінен кетті

ERNUR.KZ. ҚДБ басшысының өкілеттігі мерзімінен бұрын тоқтатылды, деп жазады Tengrinews.kz.

"Жалғыз акционердің ("Бәйтерек" ҰБХ» АҚ) 24.01.2022 жылғы шешімімен Абай Сарқұловтың "Қазақстанның даму банкі" АҚ (бұдан әрі – ҚДБ, Банк) басқарма төрағасы және директорлар кеңесінің мүшесі ретіндегі өкілеттігі мерзімінен бұрын тоқтатылды. 25.01.2022 жылдан бастап ҚДБ басшысының міндетін атқарушы болып бұған дейін Банк басқармасы төрағасының орынбасары қызметін атқарған Сандуғаш Кенжебаева тағайындалды", - делінген хабарламада.

Еске салайық, Президент Тоқаев Қазақстанның Даму банкі элитаның жеке банкіне айналғанын айтқан болатын.

"Біз бәрінің аты-жөнімен білеміз, олар жоғарыдағылардың кеңсесіне еркін кіру секілді артықшылыққа ие".