Руслан Берденовтің Мәжілістегі өкілеттігі тоқтатылды

0
238

Палата отырысында депутаттың өкілеттігін тоқтату жөніндегі қаулы қабылдады.


Руслан Берденовтің Мәжілістегі өкілеттігі тоқтатылды

Фото: Мәжіліс

ERNUR.KZ. Бүгін Парламент Мәжілісінің жалпы отырысында Руслан Берденовтің депутаттық өкілеттігі тоқтатылды, деп жазады inform.kz.

- Шымкент қаласы әкімінің 2025 жылғы 24 ақпандағы өкімінің Парламент Мәжілісінің депутаты Руслан Арысбекұлы Берденов Шымкент қаласы әкімінің орынбасары қызметіне тағайындалды. Осыған орай ҚР Орталық сайлау комиссиясы Р. Берденовтің өкілеттін мерзімінен бұрын тоқтату туралы ұсыным енгізіп отыр, - деді ОСК мүшесі Асылбек Смағұлов.

Палата отырысында депутаттың өкілеттігін тоқтату жөніндегі қаулы қабылдады.
Бұдан бұрын хабарланғандай, жақында Руслан Берденов Шымкент қаласы әкімінің орынбасары қызметіне тағайындалды.
Руслан Берденов Шымкент қаласының тумасы. 39 жасында мемлекеттік қызмет пен бизнесті мол тәжірибесі бар.
Қазақ, ағылшын, орыс, түрік, азербайжан тілдерінде еркін сөйлейді.
Білімі жоғары, 2006 жылы менеджмент мамандығы бойынша әл-Фараби атындағы Қазақ ұлттық университетін бітірген. 2009 жылы КИМЭП Университетін Іскерлік басқару магистрі (MBA) дәрежесімен бітірді.
2023 жылғы наурыздан бастап VIII сайланған Қазақстан Республикасы Парламенті Мәжілісінің депутаты «Respublica» партиясының партиялық тізімі бойынша сайланды.