Сәбиді құтқарып қалған мектеп түлегіне мемлекеттік грант пен пәтер берілді

ERNUR.KZ. 17 жасар қала тұрғыны көршілес орналасқан үйдің терезесінен өтіп, баланы құтқарған, деп жазады inbusiness.kz.

Куәгерлердің айтуы бойынша, 2-3 жасар қыз бала 7-қабаттағы пәтер терезесінен құлап кете жаздады. Кішкентай қызды өлімнен арашалап қалған жігіт өрімдей жас, 17 жаста.

"Терезеден кішкентай бала құлап кете жаздады. Шамамен алғанда 2 жасар бала. Бір сағат бойы оның пәтеріне кіре алмадық. Полицияны шақырттық. Көпбалалы отбасынан шыққан жігіт қауіп-қатерге қарамастан баланы құтқаруға кетті. Өзі 17 жаста. Ол нағыз ер азамат. Осы жағдай барлығына сабақ болса екен. Ата-аналар, балаларыңызға мұқият болыңыздар. Терезеге тор орнатыңыздар", – деп жазылған әлеуметтік желідегі парақшада.