Семейде мектеп оқушысын соққыға жыққан жеткіншектердің ата-аналары жауапқа тартылды

0
191

Зардап шеккен балаға қазақстандықтар пәтер алып берген еді.


Семейде мектеп оқушысын соққыға жыққан жеткіншектердің ата-аналары жауапқа тартылды
Фото: Виктор Федюнин/Kazinform агенттігі
ERNUR.KZ. Абай облысының кәмелетке толмағандар істері жөніндегі мамандандырылған ауданаралық соты мектеп оқушысын соққыға жыққан жеткіншектердің ата-аналарына қатысты үкім шығарды, деп жазады inform.kz.
Сот шешімімен олар ата-аналық міндеттерін тиісінше орындамауының әкімшілік жазаға әкеліп соғуы бабы бойынша кінәлі деп танылды.
Ата-аналардың бірі бес тәулікке әкімшілік қамауға алынды. Төртеуіне 78 640 теңге мөлшерінде айыппұл салынды.
- Ата-аналар балаларының мінез-құлқын, жүріс-тұрысын дұрыс қадағаламаған. Сот шешім шығарарда барлық мән-жайды ескерді, - деп хабарлады соттың баспасөз қызметі.
Еске салсақ, ақпан айында Семейде жасөспірімдер алтыншы сынып оқушысын соққыға жыққаны хабарланған.
Зардап шеккен балаға қазақстандықтар пәтер алып берген еді.