​Синоптиктер қаңтардың 10 күнгі ауа райы болжамын жария етті

ERNUR.KZ. Қаңтардың 10-ы күні Қазақстанның басым аумағында атмосфералық ағындардың өтуіне байланысты ауа райы құбылмалы болады, деп жазады ҚазАқпарат «Қазгидромет» РМК-ның мәліметтеріне сүйене отырып.

Республиканың бірқатар аумақтарында жауын-шашын болып, кей жерлерде көктайғақ, тұман, бұрқасын болуы ықтимал, сондай-ақ жел күшейеді.

Алматы облысының кей жерлерінде тұман, көктайғақ болып, күндіз кей жерлерде желдің жылдамдығы секундына 15-20 метрге жетеді. Жалаңашкөл ауданында жел 20-25 м/с жылдамдықпен ұйтқиды.

Қызылорда облысының бірқатар аймақтарында тұман түсіп, көктайғақ болады, таңертең және күндіз жел 15-20 м/с жылдамдықпен соғады.

Түркістан облысының кей жерлерінде тұман түсіп, көктайғақ болып, таңертең және күндіз желдің жылдамдығы секундына 15-20 метрге жетеді, екпіні 25 м/с болады.

Жамбыл, Маңғыстау облыстарының кей жерлерінде тұман түсіп, көктайғақ болуы ықтимал.

Қарағанды, Шығыс Қазақстан облыстарының бірқатар аймақтарында бұрқасын болады, жел 15-20 м/с-қа дейін күшейеді.

Ақмола, Атырау, Батыс Қазақстан, Қостанай, Солтүстік Қазақстан облыстарының кей жерлерінде тұман түсуі мүмкін.