Эфирге қатысушының жеке басы анықталды.
Фото: pixabay.com
ERNUR.KZ. Талдықорғанда полиция қызметкерлері әлеуметтік желіге мониторинг жүргізу барысында TikTok платформасындағы тікелей эфир кезінде айтылған былапыт сөздерді анықтады, деп жазады inform.kz.
Жиналған материалдар сотқа жолданды. Істі қарау қорытындысы бойынша әйел ұсақ бұзақылық жасағаны үшін кінәлі деп танылып, әкімшілік жауапкершілікке тартылды. Оған айыппұл салынды.
Полиция смартфон экраны адамның жауапкершіліктен жасырынуына мүмкіндік бермейтінін ескертеді. Сондықтан сақшылар әлеуметтік желі қолданушыларын қарым-қатынас мәдениетін сақтауға, айналасындағыларды құрметтеуге және жариялайтын контентіне жауапкершілікпен қарауға шақырады.
![](/assets/thumbnails/ec/ecf17caf65214afc3abcbfd6f40fe9ff.jpeg ""Яндекс" сервисінде туындаған ақаулардан кейін такси бағасы шарықтап кетті")
