Өзбекстан ТМД елдері арасында ең бақытты ел атанды.
ERNUR.KZ. 20 наурызда атап өтілетін Біріккен Ұлттар Ұйымының халықаралық бақыт күніне арналған World Happiness Report жыл сайынғы баяндамасы жарияланды, деп жазады stan.kz.
Скандинавиялық елдер бақыттылар тізімінде тағы да көш бастады. Жетінші жыл қатарынан Финляндия бірінші орында. Үздік үштікте Дания мен Исландия да бар.
"Финляндияда адамдар жоғалған әмияндарын қайтарып алатын жағдайлар көп. Ол жерде адамдар үнемі бір-біріне көмектеседі. Медицина мен білім сапалы және қолжетімді. Адамдардың мүмкіндіктері тең", - дейді британдық Колумбия университетінің Ванкувер экономика мектебінің экономика ғылымдарының құрметті профессоры және World Happiness Report журналының бірлескен редакторы Джон Хелливелл.
Өзбекстан ТМД елдері арасында ең бақытты ел атанды, 47-орында. Қазақстан одан сәл артта қалып, 49-орынға тұрақтады. Өзбекстан рейтингте 55-орыннан 47-орынға көтерілсе, Қазақстан 44-орыннан 49-ға төмендеді.
Рейтингте АҚШ 8 сатыға, Ұлыбритания бір сатыға төмендеді. Себебі Шығыс еуропа елдері алға шығып кеткен.
ХАМАС-пен соғысқа қарамастан, Израиль рейтингте бесінші орында, 2022 жылдан бері бұл ел алғашқы ондыққа кіреді. Баяндама авторлары оның рейтингі үш жылдық орташа көрсеткішке негізделгенін айтты.
Ресей екі саты төмендеп, 72-орынға тұрақтады. Украина 105-ші орында, 14 позицияға төмендеген.
Ауғанстан әлемдегі бақыт рейтингі ең төмен ел болып қала береді. Ливан, Лесото, Сьерра-Леоне және Конго да соңғы орындарда.
Биыл алғаш рет жастар бойынша бөлек рейтинг ұсынылды. Әлемнің кейбір бөліктеріндегі жастардың өміріне қанағаттану деңгейі айтарлықтай төмендеген.
Солтүстік Америкадағы жастар арасындағы бақыттың күрт төмендегені соншалық, қазір ондағы жастар қарт адамдарға қарағанда бақытты емес. АҚШ жастарының бақытты сезіну көрсеткіші топ-20-ға да кіре алмайды.
Есепте әлемнің 140-тан астам елінің адамдары арасында жүргізілген ғаламдық сауалнама деректері пайдаланылады. Есеп Gallup, Оксфорд әл-ауқатын зерттеу орталығы, БҰҰ Тұрақты даму шешімдері желісі және редакциялық кеңеспен бірлесіп жасалды.
Есеп өмір сүру көрсеткіштерін түсіндіруге көмектесетін алты көрсеткішті назарға алады: жан басына шаққандағы ЖІӨ, әлеуметтік қолдау, салауатты өмір сүру ұзақтығы, еркіндік, жомарттық және сыбайлас жемқорлық.
