Ұлттық банк басшысы теңге бағамына қатысты болжам жасады

ҚР Ұлттық банкінің басшысы Данияр Ақышев теңге бағамының болашағына қатысты сауалға жауап берді, деп хабарлайды ҚазАқпарат.

Бекітілген бағамға үйреніп қалған қоғам теңге бағамының өзгерістеріне елеңдеп тұрады. Теңге бағамын болжаумен айналысып жүрген сарапшылар мен ғалымдар өте көп. 2015 жылдан бастап қоғам теңге бағамы туралы ақпараттарды ауыр қабылдай бастады. Негізі біздің зерттеуіміз бойынша, қоғамға негативті болжам ұнайды. Бірақ, бүгінде болжам жасап жүрген сарапшылардың көпшілігі уақыт көрсеткендей, қаржы саласын толық білмейтін болып шықты. Долларға қатысты теңге бағамы 400 болады деген болжамдардың брі де орындалған жоқ», - деді Данияр Ақышев. Оның айтуынша, бұл тұлғалардың мақсаты қоғамда дүрбелең тудыру. «Ақша нарығы қалпына келді. Нарық қатысушылары ойын ережелеріне үйренді. Құралдар да қалпына келді. Теңге бағамына тауар нарығындағы Қазақстанның әріптестерінің өзгертулері ықпал етеді. 2017 жылдың күзінде Қазақстанда теңге бағамы түрлі факторлардың ықпалымен өзгере бастады. Біз теңге өте құлдырамайтынын айттық, артық доллар сатып алғандар шығынға бататынын да хабарладық», - деді банк басшысы.