Ұлттық банк теңгені «құтқарып қалу» үшін 104 млн доллар жұмсады

ERNUR.KZ. Бүгін Ұлттық Банк теңгені «құтқару» үшін 104 млн долларға валюталық интервенция жасады, деп жазады Azattyq Rýhy.

Осы аптада интервенция көлемі 137 млн доллар болды.

«Қазақстан Республикасының Ұлттық Банкі қаржы жүйесінің тұрақтылығын қамтамасыз ету үшін шамадан тыс құбылмалылық кезінде валюталық интервенциялар жүргізу құқығын өзіне қалдыра отырып, теңгенің еркін өзгермелі айырбас бағамы режиміне бейілділігін сақтайды. Бұл ретте теңгенің икемді бағамы сыртқы сектор тарапынан тәуекелдерді іске асыру аясында маңыздылығы артқан алтын-валюта активтерінің сақталуын қамтамасыз етуге мүмкіндік береді», - делінген хабарламада.

Ресей президенті Владимир Путиннің Донбаста арнайы операция өткізу туралы мәлімдемесінен кейін Мосбиржидің таңертеңгі сессиясында доллардың рубльге шаққандағы бағамы 86 межесінде сақталды.

Айта кетерлігі, қаржы нарығындағы жағдайды тұрақтандыру үшін Ресей банкі де интервенция жасағанын мәлімдеді.