Олар әртүрлі мектепте оқығанымен, өзара дос болған.
Фото: Рexels.com
ERNUR.KZ. Жамбыл облысы Қаракемер ауылындағы қоралардың бірінен 9-сынып оқушыларының мәйіті табылды, деп жазады stan.kz.
Марқұм екі жасөспірім де 9-сынып оқушылары екені белгілі болды. Олар әртүрлі мектепте оқығанымен, өзара дос болған. Алдын ала себеп бойынша, екеуі де өздеріне қол жұмсаған.
“Тексеру барысында олардың екеуі де көпбалалы, жағдайы жақсы отбасылардан шыққаны анықталған”, – дейді Жамбыл облысы бойынша балалар омбудсмен.
Ал жақындарының сөзінше, олардың өз-өзіне қол жұмсауына ешқандай себеп болмаған.
Оқиға облыс әкімінің бақылауына алынды. Елді мекенге балалар омбудсмені мен білім басқармасының басшылығы барған. Қаза тапқан оқушылардың сыныптастары мен ата-аналарымен психологтар жұмыс істеп жатыр.
“Қордай ауданында болған суицид фактілері бойынша қылмыстық іс қозғалды. Қазір оқиғаның барлық мән-жайын жан-жақты, толық әрі объективті анықтауға үшін тергеу амалдары жүргізіліп жатыр”, – деді Жамбыл облыстық полиция департаменті баспасөз қызметінің жетекшісі Гүлсара Мұхтарқұлова.
