Жаңа министр Абай облысындағы өрт қашан сөндірілетінін болжап айтты

12.06.2023 14:44

514

Қазіргі уақытта жағдай тұрақты және бақылауда дейді министр.

ERNUR.KZ. Абай облысындағы өрт басталғаннан кейін тағайындалған Төтенше жағдайлар министрі Сырым Шәріпханов БАҚ-қа кейінгі жаңалықтарды айтты, деп жазады ulysmedia.kz.

Қазіргі уақытта жағдай тұрақты және бақылауда дейді министр. Алайда ауа температурасы көтеріліп, жел екпіні күшейгендіктен өрттің өршу ықтималдығы бар.

«Тілсіз жауды ауыздықтау үшін үшін біз күшті жеткілікті деңгейде топтастырдық. 1,5 мыңға жуық жеке құрам: өрт сөндірушілер, орман қорғау қызметкерлері, қорғаныс және ішкі істер министрліктерінің қызметкерлері тартылды. Сондай-ақ 300-ге жуық техника мен 12 тікұшақ жұмыс істеп тұр. Қазір өрт аумағы 43 мың гектарға жуық. 60 мыңнан астам гектарға жайылған алғашында, бірақ жеке құрам жұмыс істеп жатыр. Өрт аумағы азая бастады. Болжамдар бар, жақын күндері өртті оқшаулап, сөндіруіміз керек», - деді министр.

Кеше метеожағдайдың өзгеруіне байланысты (желдің екпіні секундына 18 метрге дейін) өрт төменгі бөлікте өрбіп өрт ошағынан Талица ауылына (тұрғындар алдын ала эвакуацияланды) қарай бағыт алып, ауылды қорғауға өрт техникасы жұмылдырылған болатын. Талица ауылының шығыс жағынан далаға қарай өрбіген өрт сөндірілгені хабарланды.