Жапониядан келген ғарыш туристері Қазақстанға қонды

20.12.2021 10:48

718

Ғарыш кемесі Халықаралық ғарыш станциясынан оралып, Жезқазған қаласынан оңтүстік-шығысқа қарай 148 шақырымдық жерге қонды.

ERNUR.KZ. Жапониядан ғарыштық туристер отырған «Союз МС-20» ғарыш кемесі Қазақстан даласына қонды, деп жазады ulysmedia.kz.

Бортында ғарыш туристері Юсаку Маэдзава мен Эдзо Хирано, сондай-ақ ғарышкер Александр Мисуркин отырған ғарыш кемесі Халықаралық ғарыш станциясынан оралып, Жезқазған қаласынан оңтүстік-шығысқа қарай 148 шақырымдық жерге қонды. Экипаж 19 желтоқсанда түнде станциядан шықты. Нұр-Сұлтан уақыты сағат 8:18-де ғарыш кемесінің жерге қонды.

Жапон кәсіпкері Маэдзава мен оның көмекшісі Едзо Хирано YouTube желісіндегі қолданушылар ұсынған әрекеттердің ішінен 100-ін таңдаған. Сол әрекеттердің бірі – ғарышқа ұшу. Ол тізімдегі тапсырманың қалай орындалғанын түсіріп, YouTube-ке жариялады. Жапондықтар да ресейлік ғалымдардың тапсырысы бойынша ағзадағы қан ағымының қозғалысын зерттейтін «ЛАЗМА» зерттеуіне қатысты. Сондай-ақ, нөлдік гравитациялық бадминтон турниріне станцияның барлық дерлік экипажы қатысты.

Туристік экипаж кеткеннен кейін станцияда ресейлік ғарышкерлер Антон Шкаплеров пен Петр Дубров, америкалық Марк Ванде Хай, Раджа Чари, Кайла Бэррон және Том Маршберн, сондай-ақ Еуропа ғарыш агенттігінің астронавты, неміс Маттиас Маурер қалды.