Тамара Асардың ұлы Парижде домбыра тартты

Қазақтың қайсар қызы Тамара Асар дәл қазір Парижде жүр. Қазақ диаспорасының ұйымдастыруымен өткен Наурыз мейрамында өнер көрсеткен Тамара ханымға қосылып ұлы да күй шертті. Бұл туралы әнші өзінің әлеуметтік желідегі парақшасында жазды.

Тамара Асар: "Бүгін Париждің жанында орналасқан Гарж- Ле-Гонес деген Франция қазақтарының шоғырланған қалашығында Қазақ диаспорасының ұйымдастыруымен Наурыз мейрамы болып өтті. Қандас бауырларымыздың ықылыс ниетімен қошеметіне бөленіп, Сіздерден ыстық сәлемді әнмен күймен жеткіздік. Кәсіби домбырашы болмаса да, Қамбар қолына домбыра алып, сахнада өз өнерін көрсетіп, мейрамға ат салысты... Әр баланың жүрегінде патриоттық сезімнің отын жандыратын ұшқын осылай басталатын шығар... Қанатың талмасын құлыным..."

Фото: tamara_assar_official

ERNUR.KZ