Екі күдікті талап етілген соманың 5 млн теңгесін алып жатқан жерінен ұсталды.
Шымкентте екі ер адам кәсіпкерге тиесілі жүк көлігінің кілтін иемденіп, одан 10 млн теңге талап еткен. Ақша берілмеген жағдайда жүк көлігін иесімен бірге өртеп жіберетіндерін айтып қорқытқан.
Алдын ала тергеу мәліметтеріне сәйкес, оқиға қалалық базарлардың бірінде болған. Ет өнімдерін тасымалдау барысында тауар бүлініп, тараптар арасында келтірілген шығынды өтеуге қатысты дау туындаған.
Жедел іс-шаралар барысында полиция қызметкерлері екі күдіктіні талап етілген соманың 5 млн теңгесін алып жатқан жерінен ұстады. Күдіктілер уақытша ұстау изоляторына қамалды.
Өз бетінше билік ету дерегі бойынша қылмыстық іс қозғалды. Қазіргі уақытта қажетті тергеу әрекеттері жүргізіліп, оқиғаның барлық мән-жайы анықталуда.
![](/assets/thumbnails/8e/8ee789cb96814194dd69c6f328fd7fab.jpg ""Жарылыс қаупі бар": Тель-Авив – Вена рейсі Софияға шұғыл қонды")
