Мұрат Әйтенов қар тазалап жатқан арнайы бригадалардың жұмысын тексерді

0
682

Аудан әкімдері мен жауапты басқарма басшыларына сын-ескертпелер айтып, нақты тапсырмалар жүктеді.


Мұрат Әйтенов қар тазалап жатқан арнайы бригадалардың жұмысын тексерді

Шымкент қаласының әкімі Мұрат Әйтенов қар тазалау жұмыстарын жүргізіп жатқан арнайы бригадалардың жұмысын тексерді, деп хабарлайды ERNUR.KZ.

Аудан әкімдері мен жауапты басқарма басшыларына сын-ескертпелер айтып, нақты тапсырмалар жүктеді. Әрбір істің сапалы орындалуын талап етті.

Бүгін орталық көшелер, аяқжолдар мен аялдамаларды тазалауға 1351 адам, қар тазалау бойынша мердігер мекемелерден 139, оған қосымша 48 техника жұмылдырылды. Оның ішінде камаз, трактор, Газ 53, погрузчик, грейдер бар.
Техникалық ерекшеліктерге сәйкес, жалпы орталық 443 көшенің 372-і, яғни 793 шақырымы тазаланды, қалған 71 көшеде жұмыстар жалғасуда.
Айтып кетейік, қазіргі кезде 5 ауданда 22 бағыт бойынша қардан тазалау жұмыстары жүргізілуде. Бүгіннің өзінде қаладан 10959 м3 қар шығарылды.