Қала халқын кәрізбен қамтамасыз ету бойынша өткен жылы 10 нысанның құрылыс жұмыстарына қаржы бөлінді.
ERNUR.KZ. Шымкент қаласында тұрғындарды ауыз сумен қамтамасыз ету мақсатында былтыр қалада 6 нысанның құрылыс жұмыстары жүргізілді.
Нәтижесінде, 72 мыңға жуық тұрғын сапалы ауыз суға қол жеткізді. Биыл елді мекендердегі тіршілік нәрімен қамту көрсеткіші 99,5%-ға жетті.
Электр жарығымен қамтамасыз ету бойынша 2023 жылы 8 нысанның, оның ішінде 6 елді мекенде ішкі жүйелердің және 1 қосалқы стансаның құрылыс жұмыстары жүргізілді. Нәтижесінде, 22 мыңға жуық адам сапалы электр қуатына қосылды. Қамту көрсеткіші 99%-дан 100%-ға өсті.
Былтыр Нұртас, Ақтас-1, Ақтас-2, Ақжар, Арғымақ, Нұршуақ, Тұран (3-кезек) шағын аудандарында, Сәуле елді мекеніндегі 276 орамда табиғи газ желісінің құрылыс жұмыстары аяқталды. Атқарылған жұмыстардың нәтижесінде қамту көрсеткіші 94%-дан 96%-ға артты. Жоспарға сәйкес, 2025 жылы көгілдір отынмен қамту көрсеткіші 100 пайызға жетеді.
![](/assets/thumbnails/b1/b1ffaa7012121d78c3aaed67d05992e2.jpg ""Отбасылы еркектің уәдесіне сеніп жүріп, жастық шағым өтіп кетті"")
![](/assets/thumbnails/32/32f7127a597cb8cf0f33659091d8e767.jpg ""Кинодағы актерден қызғанып жүр" - келіншек күйеуінің түсініксіз қылығын айтты")
