Полиция департаментінің қызметкері шақырымдық қашықтықта жүгіріп, 2-орынды иеленді.
Шымкент қаласында спортты серік еткен мыңдаған адамды біріктірген “Shymkent Marathon-2026” марафоны өтті.
Жарысқа еліміздің әр өңірінен келген кәсіби спортшылар мен әуесқой жүгірушілерді қоса алғанда, 8 мыңға жуық адам қатысты. Оның ішінде 350 полиция қызметкері де бар.
Марафонда Шымкент қаласы полиция департаментінің қызметкері Махаббат Тоқтас 42 шақырымдық қашықтықта жүгіріп, 2-орынды иеленді.
“Полиция қызметкері үшін мұндай жарыстар тек спорттық нәтиже ғана емес, сонымен қатар төзімділік, табандылық пен жігерді шыңдайтын мүмкіндік”, - дейді тәртіп сақшысы.
