Аудан аумағында орналасқан барлық тойханаларда той өткізбеу шаралары қатаң қадағалауда.
Шымкент қаласы Абай ауданы әкімі аппаратының қызметкерлері учаскелік полиция қызметкерлерімен бірге аудан аумағында орналасқан барлық тойханаларда той өткізбеу шараларын қатаң қадағалауда, деп хабарлайды ERNUR.KZ.
Осыған орай аудан әкімі Б.Парманов Қызылжар (Коммунизм), Қатынкөпір, Ынтымақ шағынаудандарында және Темірлан тас жолы, А-2 тас жолы, Жиделібайсын көшелері бойындағы тойханаларға бақылау жасап, карантин талаптарының орындалуын тексерді.
Сонымен қатар, 2021-2022 жылдарға арналған жылу маусымына дайындық жұмыстарын бақылап, көпқабатты тұрғын үйлерінің жер асты жылу құбырларының жөндеу жұмыстарын тексерді. Жалпы Абай ауданы бойынша 416 көпқабатты тұрғын үй орталық жылу жүйесіне қосылған.
Қазіргі таңда аудан бойынша тұрғын үйлердің 54,8 пайызы жылу маусымына дайын. Сонымен қатар, жылу маусымына дайындық жұмыстарын ағымдағы жылдың 15 тамызына дейін 70 пайыздан асыру жоспарлануда.
![](/assets/thumbnails/b1/b1ffaa7012121d78c3aaed67d05992e2.jpg ""Отбасылы еркектің уәдесіне сеніп жүріп, жастық шағым өтіп кетті"")
![](/assets/thumbnails/32/32f7127a597cb8cf0f33659091d8e767.jpg ""Кинодағы актерден қызғанып жүр" - келіншек күйеуінің түсініксіз қылығын айтты")
