Өзбекстандық боксшы Шохжахон Эргашев 18 жекпе-жек өткізіп, оның 16-сын нокаутпен аяқтаған, ал Батыр Жүкембаев 14 кездесуді мерзімінен бұрын аяқтады.
ERNUR.KZ. Жеңілмеген қазақстандық боксшы Батыр Жүкембаевқа (18-0, 14 КО) Өзбекстан өкілі Шохжахон Эргашевпен (18-0, 16 КО) жұдырықтасу туралы ұсыныс түсті, деп жазады sputniknews.kz.
Le Journal de Montreal мәліметінше, қазіргі уақытта Батыр бұл ұсынысты қарастырып жатыр. Жекпе-жек 19 қарашада АҚШ-та өтуі мүмкін деп жоспарлануда.
Бұған дейін Жүкембаев Америкадағы алғашқы жекпе-жегін өткізуді жоспарлап отырғанын мәлімдеді – қазақстандықтың осыған дейінгі барлық кездесуі Канадада өткен болатын.
Батыр Жүкембаев соңғы рет қаңтар айында Монреалда жекпе-жек өткізді – ол екінші раундта мексикалық Рикардо Лараны (22-8, 10 КО) нокаутқа жіберді. Қазір "Үш жетілік" (777) Мәскеуде жаттығып жатыр.
