Түркістан облыстық сотының судьясы пара алу үстінде ұсталды - ҰҚК

Ұлттық қауіпсіздік комитеті ҚР Жоғарғы Сотының Ішкі қауіпсіздік бөлімімен бірлесіп, Түркістан облыстық сотының қылмыстық істер жөніндегі аппеляциялық сот алқасының судьясы Әшірбек Шәріпұлы Рахымбаевтың сыбайлас жемқорлық әрекетінің жолын кесті, деп хабарлайды ERNUR.KZ.

Атап айтқанда, А. Рахымбаев сотталушының жазасын жеңілдетуде заңсыз жәрдем көрсеткені үшін елеулі мөлшерде пара алған.

2020 жылғы 31 қаңтарда Түркістан қ. А. Рахымбаев пара алу кезінде қылмыс үстінде ұсталып, жасаған қылмысын толықтай мойындады.

Пара алу фактісі сондай-ақ жасырын тергеу іс-қимыл материалдарымен дәлелденеді (аудио, бейнетіркеу).

ҰҚК органдары ҚР Қылмыстық кодексінің 366-бабы 2-б. («Пара алу») бойынша сотқа дейінгі тергеуді жалғастыруда.