Түркістан облысында 12 шақырымға жуық аяқжол салынды

Түлкібас ауданында биыл 12 шақырымға жуық аяқжол салынды, деп хабарлайды ERNUR.KZ.

Түркістан облысы Түлкібас ауданындағы 6 елді мекенде биыл жартыжылдықта 12 шақырымға жуық аяқжол салынды. Атап айтқанда, Азаттық ауылы, Састөбе кенті, Амангелді ауылы,Шұқырбұлақ ауылы, Арыс және Балықты ауылдық округтерінде жұмыстар атқарылған. Аудан тұрғындары тарапынан жиі көтеріліп жүрген мәселе бойынша жергілікті әкімдік тиісті шешім қабылдап, биыл сәуір айында жол құрылыс жұмыстары басталған. Тұрғындар атқарылған жұмыстарға алғыстарын білдіруде. Алдағы уақытта аудан аумағындағы басқа да елді мекендерге аяқжолдар салу жұмыстары жүргізілетін болады. Бірінші кезекте қауіпсіздік шараларын күшейту мақсатында халық көп шоғырланған және көлік қозғалысы жиі жолдардың бойындағы елді мекендерге басымдық берілмек.