Түркістан облысында жолдар жаңарады

Биыл Төлеби ауданындағы бірнеше көше жөнделеді, - деп хабарлайды ERNUR.KZ.

Түркістан облысы Төлеби ауданында биыл «Автомобиль жолдарының жұмыс істеуін қамтамасыз ету» бағдарламасына сәйкес, 21 елді мекендегі 28 көшенің 42 шақырым жолына орташа жөндеу жұмыстарын жүргізу жопарланған. Жол құрылысы саласына ауданның бюджеті есебінен 642 млн. 163 мың теңге қаралған.

Сондай-ақ, аудан бойынша 5 ауылдық округтің 14,4 шақырымды құрайтын 14 көшесіне тас төсеуге 34,7 млн. теңге қаржы қарастырылған. Бұдан бөлек, «Ауыл - Ел бесігі» жобасы аясында Бірінші Мамыр және Абай елді мекендерінде 17 жобаны 345 млн. теңгеге қаржыландыруға ұсынылды. Ал, «Жұмыспен қамту жол картасы» бағдарламасы бойынша 514 млн. теңгеге 9 жоба қаржыландырылмақ.