Тұрғын үй-коммуналдық шаруашылық, жолаушылар көлігі және автомобиль жолдары бөлімі тарапынан тапсырыс берілген.
Ордабасы ауданында автомобиль жолдары жөндеуден өтіп жатыр, деп хабарлайды ERNUR.KZ.
Жыл басынан бері Ордабасы аудандық тұрғын үй-коммуналдық шаруашылық, жолаушылар көлігі және автомобиль жолдары бөлімі тарапынан аудандық маңызы бар автомобиль жолдары жөндеуден өтуде.
Атап айтар болсақ, Ықыластемір ауылына барар жолға жолдың негізін дайындау, Жұлдыз ауылына барар жолға асфальт төсеу, Қызылжар, Қарақұм ауылдарына барар жолға аяқжол салу жұмыстары жүргізілген.
Сондай-ақ, Темірлан елді мекеніндегі Тұрмағанбетов көшесі, Төрткүл ауылындағы Д.Қонаев көшесі, Қайнар ауылындағы Шөлдік көшесі, Ұялыжар ауылындағы Беркімбай көшесі орташа жөндеуден өтті.
