Игі шара 20 жылдық түлектер арасында дәстүрге айналғандай.
Түркістан облысы Түлкібас ауданының мектеп бітіргендеріне 20 жыл толған түлектер көпбалалы мұқтаж анаға тұрғын үй сыйға тартты, деп хабарлайды ERNUR.KZ.
«Мейірімділік - адам бойындағы ең ізгі қасиеттердің бірі». Түлкібас ауданынының білім ошақтарының ішіндегі қара шаңырағы саналатын Абай мектеп лицейінің 1999 жылы мектеп бітірген түлектері 4 баланы жалғыз өзі тәрбиелеп отырған анаға аудан орталығы Т.Рысқұлов ауылынан 4 бөлмелі үй алып беріп, қуанышқа бөледі.
Баспаналы болған Юсупова Назира Жапарқұлқызы, көп жылдан бері баспанаға қол жеткізе алмай жүргенің айтып, қасиетті Рамазан айында 20 жылдық түлектердің сыйына алғысы шексіз екенің жеткізді.
Бұндай игі шара Түлкібас ауданында бірінші рет орын алып отырған жоқ. Былтыр дәл осы Абай мектеп лицейінің 1998 жылы бітірген түлектері 7 баласы бар жалғыз басты анаға аудан орталығынан төрт бөлмелі үй сыйға тартқан болатын. Игі шара 20 жылдық түлектер арасында дәстүрге айналғандай.
![](/assets/thumbnails/9e/9ef24a1ed3ef35d6eb3d88d8acc718f7.jpeg ""Күйеуіммен полицияға ұсталып, қамалып отырғанда танысқанмын"")
