Түркістанда тұрғын үй индексі бойынша ақпарат беретін QR кодты тақтайшалар ілініп жатыр

Түркістан қаласы тұрғындары мен қонақтарына ыңғайлы болу мақсатында көшелерге арнайы атау жазылған QR код тақтайшалар ілінуде, - деп хабарлайды ERNUR.KZ.

Түркістан қаласында жыл басынан іске асып жатқан жаңа жүйенің мақсаты - QR код арқылы үйдің КазПочта АҚ тарапынан берілген жеке индексін және amazingturkistan.kz сайтынан хабардар болу болып табылады.

Қазіргі таңда ілінген тақтайшалар саны – 908. Жоспар бойынша тақтайшалар алда Тәуке хан даңғылы,Байбұрт, Әмір Темір жане т.б. көшелерге ілінеді.

Түркістан қаласы әкімдігінің «Инфрақұрылым және коммуникациялар бөлімі» ММ-і тарапынан, Түркістан қаласы әкімдігінің «Сәулет және қала құрылысы бөлімі» ММ мен Түркістан қаласы әкімдігінің «Мәдениет және тілдерді дамыту бөлімі» ММ-нің келісуімен жүзеге асырылып жатыр. Мекен-жай нөмірі түнде анық көріну мақсатында жарық қайтаратын материалға ультрафиолетті баспа басу арқылы жасалынып жатыр. Және көп уақыт қызмет етуі үшін мырышталған қаңылтырдан жасалған.