Барлық ер-азаматтар «сүйем-күйем» деп айта бермейді. Бәрі бірдей гүл сыйлағыш емес. Әркім махаббатын өзінше білдіреді...
Қыз-келіншектердің көбінің екінші жартысынан күтетіні – көңілін, сезімін білдіруі. «Романтик емес», «жылы сөз айтпайды», «гүл дегенді көрмегенбіз»... осы секілді реніштер де орын алып жатады. Алайда барлық ер-азаматтың сезім білдіру әрекеті бірдей болмайды. Әркім көңілін түрлі жолмен білдіреді. Жай ғана сіз оны байқамай, білмей жүрген болуыңыз мүмкін.
ТОҚТЫ
-телефон нөміріңізді ерекше атпен сақтап қояды;
-қандай ауыр күн болса да, қаншалықты шаршап тұрса да, сізге уақыт бөледі;
-гүл сыйламайды, бірақ қажетті заттарыңызды әперуден ешқашан бас тартқан емес;
-айтарыңызды уақыт бөліп, ден қойып тыңдайды;
-барлық жағдайда сізді қорғайды.
ТОРПАҚ
-сізден сыр жасырмайды, бәрімен бөліседі;
-сыйлық пен мақтау сөзге келгенде асқан жомарт;
-бос уақытының көбін сізбен өткізеді;
-ойларыңыз бір жерден шықпаса да, дауласпайды;
-оның жанында өзіңізді бақытты сезінуіңізге жағдай жасайды;
-өзінің тек жақсы жақтарын көрсетуге тырысады.
ЕГІЗДЕР
-таңғы ас дайындап береді;
-таңертең қоңырау шалып, ұйқыдан уақытылы тұруыңызды қадағалайды;
-ауа райына сай киінгеніңізді тексеріп отырады;
-кейде қызғанышы шектен шығып кетеді;
-әр күні, әр сағатта жанында болғаныңызды қалайды;
-сізді түсінде көргенін айтып береді.
ШАЯН
-ішкі әлемінде не боп жатқанымен үнемі бөліседі;
-жылы сөздер жазылған тілдей қағаз не смс-хат жиі жолдап тұрады;
-көп жағдайда таңдауды сізге қалдырады;
-түрлі эмоциялар сыйлауға тырысады;
-екеуіңіздің болашағыңыз жайлы жиі армандайды.
АРЫСТАН
-ерекше іс-әрекеттерімен таң қалдыруға тырысады;
-қатты қызғанады;
-жаныңызда болғанда қысыла қызарып, қымсына жымия береді;
-бірінші кезекте достарымен таныстырады;
-көңіл бөлуден, қамқорлықтан кенде қалдырмайды.
БИКЕШ
-өз қолымен жасаған бұйымдар сыйлайды;
-әрқашан қолдауға, тыңдауға және көмекке дайын;
-әдемі, жылы сөздер айтпайды, олардың орнына махаббатын іспен көрсеткенді жөн көреді;
-ауырып қалсаңыз, алғашқы жәрдемді сол береді;
-сіздің айналаңызға (дос, туыс, т.с.с.) ұнауға тырысады.
ТАРАЗЫ
-романтикалық қадам, көңілді сауық кеші, екеуара оңаша уақыт өткізуді шебер ұйымдастырады;
-сезімін білдіретін сұлу сөздерге толы смс, хабарламалар жиі жолдайды;
-екеуіңіздің болашағыңызға қатысты шынайы, ауқымды жоспар құрады;
-болашақ отбасы, балалар туралы армандарымен бөліседі.
САРЫШАЯН
-қызғанышын білдіреді;
-күні бойы не істегеніңіз, қайда барғаныңыз, кіммен не туралы сөйлескеніңіз – бәрі қызық, бәрін сұрайды;
-маңызды шешімдерді қабылдауға көмектеседі немесе сіз үшін бәрін шешіп қояды;
-сізде бәрінің ең жақсысы болғанын қалайды.
МЕРГЕН
-махаббатын сөзбен де ашық жеткізе алады, ісімен де дәлелдейді;
-еркіндікті жоғары бағалайтындықтан, өз бостандығына қол сұққызбайды, сізді де қысымға алмайды. Өз уақытыңыз, өз қызығушылығыңыз, ортақ ойлы дос-пікірлестеріңіздің болуына, олармен араласуыңызға мүмкіндік береді;
-көп сөйлеп, әзіл-қалжыңмен көңіліңізді аулауға тырысады;
-өзінің ақылы мен көрегендігін дәлелдеуге барын салады.
ТАУЕШКІ
-кез келген ортақ тақырыпта пікіріңізді сұрап, ақылдасып отырады, ойыңызбен санасады;
-болашақ жайлы ойыңызды, жоспарларыңызды тыңдайды, қабылдайды, өз жоспарымен сәйкестендіріп, ортақ шешім шығарады;
-іштей сізді сүйіп, елжіреп тұрса да, сезімін сыртқа білдірмейді, сондықтан, суық, салқын деп ренжудің қажеті жоқ.
СУҚҰЙҒЫШ
-өмірде өте көңілді, ақкөңіл, барлық нәрсеге жеңіл қарайтын адам болғанымен, махаббатқа келгенде байсалды әрі салқынқанды. Сондықтан, сізге кейінгі айтылғандай қарым-қатынас ұстанса, онысына ренжудің еш қажеті жоқ, керісінше, шын сезімі деп қабылдаңыз;
-сүйген адамынан көңілі қалса, оған ренжіп біраз күн сөйлемей қояды;
-сізбен досы, сенімді серігі ретінде сырласқысы келеді.
БАЛЫҚТАР
-сізге шексіз сенім артады әрі шектен тыс талапшылдық танытады;
-жылы сөздер мен сезімге молынан шомылдырады;
-өмірлік серігім деп таныған кісіге шексіз сенім артып, отбасында бірінші болу, көшбасшылық құқығын еш қиналмай табыстайды.
Егер еріңізден өз жұлдызына сәйкес осында аталған іс-әрекеттерді байқасаңыз, бұл оның сізге деген махаббатының айғағы деп біліңіз.
Аударған: А.Мейірханқызы,
ОҚИ ОТЫРЫҢЫЗ:
Балаңызды қалай тәрбиелеу керек? Нумерологтар былай бағыт береді
