ЖҰЛДЫЗНАМА БОЙЫНША: Жаңа технологияға жақынсыз ба?

Сурет: i.pinimg.com

Әр адамның жаңа технологиялар мен гаджеттерді қабылдауына байланысты өзіне тән ерекшеліктері бар. Кейбіреулер жаңалықты лезде қабылдап, тез үйреніп кетсе, енді біреулердің үйренуі біраз қиынға соғады. Астрология тұрғысынан алғанда, әр жұлдыз белгісінің технология мен гаджеттерге бейімділігі бойынша болжам жасауға болады.

Тоқты

Батыл Тоқтылар жаңа технологиялар әлемінде де тәуекелден қашпайды. Бірінші болып сатып алады, сәтсіз болып шығады-ау, бос шығын болады-ау деп еш қорықпайды. Гаджеттің жаңа функцияларын бірінші болып сынап көру, сосын оны жан-жағымен бөлісу олар үшін бір бақыт іспеттес.

Торпақ

Қымбат, сапалы гаджеттерге ғана сенім артады. Қолындағы құрылғыға үйреніп қалғаннан кейін жаңасына көшуі қиын. Ыңғайлы әрі күнделікті өмірін жеңілдететінін көрсе, баяу болса да қабылдайды.

Егіздер

Әрдайым соңғы жаңашылдықтардан хабардар болу олар үшін маңызды. Ақпаратты тез меңгереді, бәрін байқап көргісі келеді. Бір гаджеттен екіншісіне тез ауыса алады.

Шаян

Эмоционалды байланыс болмаған дүниелерді қабылдауы қиын. Ал өзін жайлы сезінбейтін технологиядан мүлде алшақ жүреді. Қандай да бір гаджетке қызығушылығы оянуы үшін отбасына, өзіне көмектесетініне көзін жеткізу керек.

Арыстан

Жаңа технологияларға өмірді жеңілдететін жайлылық деп емес, статусты көрсететін бұйым деп қарайды. Сәнге айналған соңғы үлгіге қол жеткізу үшін барын салады. Қымбаттығына қарамайды, танымал әрі салтанатты болса болғаны. Өзгелерден қалғысы келмейді, гаджет арқылы өзін көрсетуге тырысады.

Бикеш

Гаджет жұмысын толық түсінбейінше қолданғысы келмейді. Перфекционистік табиғаты бәрінің жүйелі болғанын қалайды. Олардың қолындағы құрылғы ұзақ қызмет етеді, өйткені, тек нұсқаулық бойынша, мұқият қолданады. Қателік жібергісі келмейді.

Таразы

Кез келген гаджетке бастапқыда сақтықпен қарайды. Дизайны мен ыңғайлығы көңілінен шықса, көзсіз ғашық болады. Эстетика мен балансқа мән береді. Гаджет стильді әрі интуитивті болса, тез үйренеді.

Сарышаян

Ғаламтордағы құпиялылық пен қауіпсіздікке аса мән береді, сондықтан кірісіп кетпей,сақтықпен қолданады. Бейтаныс бағдарламалар мен қосымшаларға сенімсіздікпен қарайды. Қауіпсіздік жүйесі мықты екеніне көзі жеткен құрылғыға ғана қызығушылық танытады.

Мерген

Мергендер жаңашылдықты, жаңа идеяларды жақсы көреді. Технологиядағы трендтер олар үшін зерттеуге лайық дүние. Жаңа смартфон, қолданба немесе бағдарламалық жасақтаманы байқап көру – олар үшін қызықты шытырман оқиға. Смартфон, планшет, ноутбук сияқты құрылғыларды оңай меңгереді, әсіресе егер олар саяхатта көмектессе немесе жаңа білімге жол ашса.

Тауешкі

Ескімен қоштасқанды ұнатпайтын, консервативті тұлғалар. Сондықтан, жаңамен қауышуға аса құштар емес. Олар үшін тиімділік бірінші орында. Артық функцияларға қызықпайды. Бірнәрсе алмас бұрын «Шынымен қажет пе, пайдалы ма?» деп әбден бас қатырады. Ұзақ таразылаудан соң барып шешім қабылдайды. Шешім көбіне «Қажет емес» деп қорытындылануы мүмкін. Нақты пайдасы бары дәлелденсе ғана қолдана бастайды.

Суқұйғыш

Технология – Суқұйғыштың стихиясы! Жаңа гаджет, жасанды интеллект, робот, өнертабыстар – бәрі-бәрі қызықтырады. Тәжірибе жасауға, үйренуге құмар. Жаңадан не шықса да, ең алғашқы қолданушылар қатарында. Өнертабыстардың «бета-тестері» болу тап осы адамдардың арманы.

Балықтар

Жаңа технологияларды бірден қабылдай қоймайды. Бейімделуі деқиын. Алайда, гаджетпен эмоциялық байланыс орнаса, оны өмірінің бір бөлігіне айналдырады. Алғашында қиналуы мүмкін, бірақ шығармашылық қолдану жолдарын тез табады. Интуитивті технологияларды жақсы көреді (мысалы, iPhone, iPad).

Аударған: А. Бектұрғанова,

ERNUR.KZ

ОҚИ ОТЫРЫҢЫЗ:

Нағыз ЛИДЕРЛЕР қай күні ДҮНИЕГЕ келеді?