Алматыда Қазақстан мен Катар қарулы күштерінің өкілдері кездесті

0
231

Алматыда Қазақстан мен Катар қорғаныс ведомстволары арасында бірлескен жұмыс тобының бірінші отырысы өтті.


Алматыда Қазақстан мен Катар қарулы күштерінің өкілдері кездесті

ERNUR.KZ. Қазақстан және Катар қарулы күштерінің өкілдері екіжақты ынтымақтастық мәселелерін талқылады, деп жазады baq.kz.

Алматыда Қазақстан мен Катар қорғаныс ведомстволары арасында бірлескен жұмыс тобының бірінші отырысы өтті.

Келіссөздер барысында қазақстандық тарапты Құрлық әскерлерінің бас қолбасшысы генерал-майор Мереке Көшекбаев, катарлық тарапты – Қорғаныс министрлігі Білім және дайындық басқармасының бастығы – Бас штаб бастығының орынбасары генерал-майор Жасим Әл-Муханнади таныстырды.

Кездесу нәтижесінде әскери білім және ғылым, киберқауіпсіздік, спорт, сондай-ақ Арнайы операциялар күштері мен ұшу құрамының әскери қызметшілерін даярлау саласында өзара қарым-қатынасты жолға қою туралы уағдаластыққа қол жеткізілді.

Естеріңізге сала кетсек, бірлескен жұмыс тобы әскери ынтымақтастық туралы келісімге сәйкес құрылған болатын. Бұл орган екі елдің қорғаныс ведомстволарының қызметін нақтылайды, ұйымдастырады және үйлестіреді.