Дүниежүзілік алтын кеңесі өзінің соңғы есебінде Қазақстан Ұлттық банкінің осы айда ең көп алтын сатып алушы болғанын атап өтті.
Фото: Ағыбай Аяпбергенов/ Kazinform
ERNUR.KZ. Comex тауар биржасында алтын фьючерстерінің бағасы бір унция үшін 3 900 доллардан асты, деп жазады inform.kz.
Бұл қазіргі қаржы нарығы тарихындағы алтынның ең жоғары бағасы. Қымбат метал бағасының өсуі АҚШ үкіметі жұмысының тоқтатылуына байланысты қауіпсіз активтерге сұраныстың артуы және Федералды резервтік жүйенің мөлшерлеменің одан әрі төмендеуін күтуінің өсуіне байланысты болуы мүмкін.
Дүниежүзілік алтын кеңесі өзінің соңғы есебінде Қазақстан Ұлттық банкінің осы айда ең көп алтын сатып алушы болғанын, бұл тізімге Болгарияның Ұлттық банкі мен Сальвадор Орталық резервтік банкі де қосылғанын атап өтті.
Өзбекстан Орталық банкінің мәліметінше, 2025 жылдың қазан айында құйма алтын тапшылығы байқалған. 3 қазандағы жағдай бойынша ел астанасындағы банктерде тек 17 құйма алтын қалды.
