Әміржан Қосанов Қазақстан президенттігіне ұсынылды

ERNUR.KZ. Белгілі қоғам қайраткері Әміржан Қосанов ҚР президенттігіне кандидат болып ұсынылды, деп жазады zakon.kz.

26 сәуірде Алматыда "Ұлт тағдыры" республикалық қоғамдық бірлестігінің конференциясы өтті.

Ең бірінші шешім – кезектен тыс сайлауға қатысу туралы шешім болды. Одан кейін бірлестік жетекшісі Дос Көшім бірлестік атынан ортақ кандидат ретінде танымал қоғам қайраткері Әміржан Қосановты ұсынды. Қосановтың кандидатурасы бірауыздан қолданды.

Әміржан Қосанов 13 мамырда 55 жасқа толады. Білімі бойынша журналист (ҚазМУ). Әр жылдары Комсомолда, ҚР мемлекеттік органдарында, саяси партиялар мен қоғамдық қозғалыстарда жұмыс істеген. Соңғы жылдары баспасөз бен әлеуметтік желіде жиі жарияланып келеді.

Отбасылы, үш баласы бар.