Себебі, олар Қазақстан Республикасының қару-жарағы қатарында жоқ
фото: Пресс-служба КНБ Казахстана
ERNUR.KZ. Ақмола облысы Аршалы ауданының прокуратурасы облыстық прокуратураның үйлестіруімен қару-жарақ және түрлі калибрлі оқ-дәрілерді анықтап, тәркіледі, деп жазады sputnik.kz.
Қару-жарақ қамауда жазасын өтеуші тұлғамен өткізілген құпия әңгіме барысында белгілі болған. Сұхбат барысында сотталған адам атыс қаруы бар жасырын орын туралы ақпарат берген.
Аталған ақпаратты тексеру барысында "Астана–Қарағанды" тас жолында, Аршалы ауданының Шоптықөл елді мекенінің маңында атыс қаруы мен әртүрлі калибрлі оқ-дәрілер табылып, тәркіленді.
"Қару-жарақ пен оқ-дәрілердің ел аумағына шетелден әкелінген болуы мүмкін. Себебі, олар Қазақстан Республикасының қару-жарағы қатарында жоқ", - деп жазылған хабарламада.
Осы дерек бойынша алдын ала тергеу басталды.
![](/assets/thumbnails/a9/a9c0e80a4a173ecd044741471a7f10a4.png ""Алты жасар ұлым "ұры" атанды"")
![](/assets/thumbnails/c2/c28d09d6e2b3081efdf93f257f6c86a2.jpg ""Маған масыл болма, жұмыс істе!": жалғызбасты ана әкесінің берген өмірлік кеңесін бөлісті")
