Атырау облысында 11 адам із-түссіз жоғалып кетті

ERNUR.KZ. Атырау облысында 11 адам із-түссіз жоғалып кетті, - деп жазады tengrinews.kz.

"УАЗ" маркалы автокөлігінің жүргізушісі мен 10 жолаушы 8 мамыр күні сағат 14:00-де "Ақмандай" учаскесіне бару үшін жолға шыққан. Бұл учаске аудан орталығы - Аққыстау ауылынан 160 шақырым қашықта орналасқан. Алайда, жолға шыққан адамдар осы уақытқа дейін Аққыстау ауылына оралмаған.

Атырау облысы Төтенше жағдайлар департаментінің баспасөз қызметі іздеу жұмыстары басталғанын хабарлады.

"9 мамыр күні сағат 10.50-де Исатай ауданында Аққыстау ауылынан 160 шақырым жерде құтқарушылар іздеу жұмыстарын бастады", - делінген хабарламада.