Атырауда мектеп мұғалімінен А гепатиті анықталды

35 жастағы бастауыш сынып мұғалімі қаңтар айының басында өзін нашар сезініп, 14-ші күні жұқпалы аурулар ауруханасына жатқызылған. Қалалық білім бөлімінде мұны жазбаша түрде растап, 12 және 13 қаңтарда оның денсаулығына байланысты сабаққа қатыспағанын түсіндірді. Бұған дейін облыс орталығының барлық мектептері ауа-райына байланысты екі күн қашықтықтан оқытылды.

Бұдан әрі ТЖБ санитарлық-эпидемиологиялық бақылау басқармасына сілтеме жасай отырып, осы жағдайдан кейін оқушылардың денсаулық жағдайына күнделікті мониторинг жүргізілетінін хабарлады, сабақта үш күннен артық болмаған жағдайда оқушылар учаскелік дәрігерден анықтама болған жағдайда ғана сабаққа жіберіледі.

"Дезинфекциялау құралдарын пайдалана отырып, кабинеттерді күнделікті тазалау және жалпы тазалау ерекше бақылауға алынады. Санитарлық-ағарту жұмыстары аясында дәрістер мен әңгімелер өткізілуде. Қазіргі уақытта басқа науқастар жоқ. Қазақстан Республикасы денсаулық сақтау министрінің 2021жылғы бұйрығына сәйкес А гепатитін жұқтыру жағдайы анықталған кезде мектепті карантинге жабу талап етілмейді. Қазіргі уақытта науқас оқытушы стационарлық емделіп жатыр", - делінген мекеменің жауабында.

Естеріңізге сала кетейік, 17 қаңтарда қалалық мектептердің бірінің директорына "ашық туберкулез"диагнозы қойылған болатын.

Кездейсоқтық па, жоқ па, 21 қаңтарда қалалық білім бөлімінің басшысы Фаруза Шангерееваның өз еркімен жұмыстан шығарылғаны белгілі болды.

Ақпарат: А вирустық гепатиті (ауызекі тілде "Боткин ауруы" немесе "сарғаю") – ластанған тамақ пен су арқылы жақсы таралатын вирус тудыратын бауырдың жедел жұқпалы ауруы.

ДДҰ мәліметтері бойынша, жыл сайын шамамен 1,4 миллион адам А гепатитімен ауырады, көбінесе әлеуметтік-экономикалық дамуы төмен елдерде жиі кездеседі.