Қаңтар оқиғасы: Рақымшылық жасау туралы заң жобасы Парламентке енгізілді

12.10.2022 09:56

780

Заң жобасы мемлекет басшысының 2022 жылғы 1 қыркүйектегі Қазақстан халқына Жолдауында берген тапсырмасын орындау мақсатында әзірленді.

ERNUR.KZ. Алдағы уақытта Парламент Мәжілісінің депутаттары «Рақымшылық жасау туралы» заң жобасын талқылайды, деп жазады ulysmedia.kz.

«Заң жобасының мақсаты – Қазақстан аумағында 2022 жылғы 4-7 қаңтар аралығында жаппай тәртіпсіздіктерге байланысты қылмыстық құқықбұзушылықтар жасағандарды қылмыстық жауаптылықтан босату немесе сот тағайындаған жазаның мерзімін қысқарту. Құжат азаматтар мен мемлекеттің қауіпсіздігіне елеулі қатер төндірмейтін қылмыстар жасаған адамдарға мемлекет пен қоғам жағынан мейірімділік және ізгілік актісі болып отыр», - деді Мәжілістің Заңнама және сот-құқықтық комитетінің төрағасы Арман Қожахметов палатаның жалпы отырысында.