Журналистер "АрселорМиттал Теміртау" компаниясының басшысы, үндістандық кәсіпкер Лакшми Миттал Костенко шахтасындағы қайғылы оқиға үшін қалай жазаланатынын сұрады.
ERNUR.KZ. Өнеркәсіп және құрылыс министрі Қанат Шарлапаевтан Костенко шахтасындағы 46 кеншінің қазасы үшін кәсіпкер Лакшми Миттал қандай жазаға тартылатыны сұралды, деп жазады tengrinews.kz.
Журналистер "АрселорМиттал Теміртау" компаниясының басшысы, үндістандық кәсіпкер Лакшми Миттал Костенко шахтасындағы қайғылы оқиға үшін қалай жазаланатынын сұрады.
"Өздеріңіз білесіздер, нарықта сатылатын бас компания - "АрселорМиттал" осының салдарынан айтарлықтай шығынға ұшырады. Біріншіден, дүйсенбіде компанияның сатылымы 5,5 пайызға төмендегенін айтқым келеді. Ол 21 миллиардтан 20 миллиард долларға дейін төмендеді, яғни "Арселор" қазір болып жатқан жағдайға байланысты кем дегенде миллиард доллар жоғалтты. Бұл бірінші кезекте Қазақстандағы қайғылы жағдайға байланысты. Сондықтан, егер жауапкершілікке тарту керек деп айтатын болсақ, экономикалық жауапкершілік қазірдің өзінде басталды", - деді Шарлапаев.
Заңды жауапкершілікке қатысты министр Қазақстан заңнамасы мен халықаралық құқық нормаларына сүйену керек екенін атап өтті.
"Осындай жағдайда осы мәселемен айналысатын және тиісті тексеру жүргізіп, оны Қазақстан заңнамасына сәйкес нәтижеге жеткізетін құзырлы органдар бар екеніне сенімдімін", - деп түйіндеді министр.
![](/assets/thumbnails/9e/9ef24a1ed3ef35d6eb3d88d8acc718f7.jpeg ""Күйеуіммен полицияға ұсталып, қамалып отырғанда танысқанмын"")
