Тағы бір адам түрлі жарақатпен медициналық мекемеге жеткізілді"
фото:Бейнежазбадан алынған кадр
ERNUR.KZ. Жетісу облысында алты адамның өмірін қиған жол-көлік оқиғасы болды. Апаттың мән-жайын өңірлік полиция департаменті жариялады, деп жазады tengrinews.kz.
Полицияның мәліметінше, екі Chevrolet Cobalt автокөлігі Сарыөзек – Көктал тасжолының 110-шақырымында апатқа ұшыраған. Оқиға орнынан түсірілген видео әлеуметтік желілерде жарияланды.
Алдын ала мәлімет бойынша, көліктер бірінің жүргізушісі қарсы бағытқа шығып кетіп, басқа көлікпен соқтығысқан.
"Жол-көлік оқиғасы салдарынан алты адам оқиға орнында көз жұмды, тағы бір адам түрлі жарақатпен медициналық мекемеге жеткізілді", - деп хабарлады полиция.
Жол апаты дерегі бойынша оқиғаның барлық мән-жайын анықтауға бағытталған сотқа дейінгі тергеу амалдары жүргізіліп жатыр.
