Кәсіпкер Әбдіғаппаров 7 жылға бас бостандығынан айырылды

ERNUR.KZ. Медеу аудандық N2 соты танымал кәсіпкер Алмас Әбдіғаппаровқа қатысты үкімін жариялады, деп жазды inbusiness.kz.

Ол элиталық Esentai City тұрғын үй кешеніндегі төрт вилланы сатып алушының 1 млн долларын жымқырды деп айыпталды.

"Әбдіғаппаров Алмас Алтайұлы Қазақстан Республикасы Қылмыстық кодексінің 189-бабының 4-бөлігінің 2-тармағы (Аса ірі мөлшерде сеніп тапсырылған бөтеннің мүлкін иемдену) бойынша кінәлі деп танылып, 7 жылға бас бостандығынан айыру жазасы тағайындалсын. Қылмыстық-атқару жүйесінің қауіпсіздігі орташа деңгейдегі мекемесінде жазасын өтейді", – деді үкімді жариялаған судья Тұрсынхан Саликов.

Сондай-ақ сот жәбірленушілердің талабын толығымен қанағаттандырып, Әбдіғаппаровтан 418 млн теңге өндіріп беру туралы шешім шығарды.