Оқу-ағарту министрінің тапсырмасы бойынша қаза тапқан кеншілердің балаларына барлық қажетті қолдау шаралары көрсетілетін болады.
Қарағанды облысында Костенко атындағы шахтада болған қайғылы оқиғаға байланысты Оқу-ағарту Балалардың құқықтарын қорғау комитеті қаза тапқандардың отбасыларына көңіл айтады. Оқу-ағарту министрінің тапсырмасы бойынша қаза тапқан кеншілердің балаларына барлық қажетті қолдау шаралары көрсетілетін болады», - делінген комитеттің Instagram парақшасында жарияланған ақпаратта.
Ведомство мәліметінше, Қарағанды облыстық білім басқармасының жанынан қаза тапқан және зардап шеккендердің балаларына көмек көрсету үшін Оқу-ағарту министрлігінің, білім басқармасының, Қарағанды облысының Бала құқығы жөніндегі өңірлік уәкілінің, мектептердің, әлеуметтік педагогтардың, педагог-психологтардың өкілдерінен тұратын мобильдік топ құрылды.
Мобильді топ жұмысының аясында балалардың тізімдері қалыптастырылуда. Қаза тапқан және зардап шеккендердің отбасыларынан шыққан балаларға жан-жақты психологиялық көмек көрсетіледі.
![](/assets/thumbnails/87/8706810e2ac076ee34b921de1f69d0dc.jpg ""Ұлымды менен алып кетті": баласы мен келіні бөлек кеткен ана қиын жағдайын айтты")
![](/assets/thumbnails/8a/8a82309f066c4eeaaac7c9258b8f11cb.jpg ""Ажырасу - кіші өліммен тең": жалғызбасты келіншек өзінің қандай ауыртпалықтан өткенін айтты")
