Жүк көліктерінің кезекте тұруы – маусымдық жағдай, деп түсіндірді Қырғызстанның шекара қызметі.
ERNUR.KZ. Қазақстан мен Қырғызстан шекарасында "Ақ-тілек-Автодорожный" бақылау-өткізу пункті алдында жүк көліктері кезекте тұр, деп жазады sputnik.kz.
Қырғызстанның мемлекеттік ұлттық қауіпсіздік комитетінің шекара қызметінің хабарлауынша, қазір бақылау-өткізу пункті алдында 410 жүк көлігі кезекте тұр.
" Жүк көліктерінің осылайша жиналып қалуы – маусымдық жағдай. Бұл Қырғыз Республикасынан ауылшаруашылық өнімдері, халық тұтынатын тауарлар экспортының артуына байланысты. Қырғыз және Қазақстан Республикаларының шекара қызметі тараптарынан жүк көліктеріне шектеу енгізілмеген. Қырғыз-қазақ мемлекеттік шекарасындағы барлық өткізу пункті қалыпты режимде жұмыс істеп тұр", — делінген Қырғызстан шекара қызметінің хабарламасында.
Өткен тәулікте "Ақ-тілек-Автодорожный" өткізу пункті арқылы Қырғызстаннан Қазақстанға жеңіл көлік пен цемент зауыты өнімін тиеген жүк көліктерін есепке алмағанда 297 жүк көлігі кірген.
![](/assets/thumbnails/b1/b1ffaa7012121d78c3aaed67d05992e2.jpg ""Отбасылы еркектің уәдесіне сеніп жүріп, жастық шағым өтіп кетті"")
![](/assets/thumbnails/32/32f7127a597cb8cf0f33659091d8e767.jpg ""Кинодағы актерден қызғанып жүр" - келіншек күйеуінің түсініксіз қылығын айтты")
